حیدر بابایا سلام
HEYDəR BABAYA SALAM
حیدربابا، ایلدیریملار شاخاندا
Heydərbaba, ildırımlar şaxanda
سئللر، سولار شاققیلداییب آخاندا
Sellər, sular şaqqıldayıb axanda
قیزلار اونا صف باغلاییب باخاندا
Qızlar ona səf bağlayıb baxanda
سلام اولسون شؤکتوزه، ائلوزه
Salam olsun şövkətüzə, elüzə
منیم ده بیر آدیم گلسین دیلوزه.
Mənim də bir adım gəlsin dilüzə.
حیدربابا، کهلیک لرین اوچاندا
Heydərbaba, kəhliklərin uçanda
کول دیبیندن دووشان قالخیب قاچاندا
Kol dibindən dovşan qalxıb qaçanda
باخچالارین چیچکلنیب آچاندا
Baxçaların çiçəklənib açanda
بیزدن ده بیر ممکن اولسا یاد ائله
Bizdən də bir mümkün olsa yad elə
آچیلمایان اورکلرى شاد ائله.
Açılmayan ürəkləri şad elə.
بایرام یئلى چارداخلارى ییخاندا
Bayram yeli çardaxları yıxanda
نوروز گولو، قارچیچگى چیخاندا
Novruzgülü, qarçiçəyi çıxanda
آغ بولودلار کؤینکلرین سیخاندا
Ağ buludlar köynəklərin sıxanda
بیزدن ده بیر یاد ائله ین ساغ اولسون
Bizdən də bir yad eləyən sağ olsun
دردلریمیز قوى دیکلسین، داغ اولسون.
Dərdlərimiz qoy dikəlsin, dağ olsun.
حیدربابا، گون دالینى داغلاسین
Heydərbaba, gün dalını dağlasın
اوزون گولسون، بولاقلارین آغلاسین
Üzün gülsün, bulaqların ağlasın
اوشاقلارین بیر دسته گول باغلاسین
Uşaqların bir dəstə gül bağlasın
یئل گلنده، وئر گتیرسین بو یانا
Yel gələndə ver gətirsin bu yana
بلکه منیم یاتمیش بختیم اویانا.
Bəlkə mənim yatmış bəxtim oyana.
حیدربابا، سنین اوزون آغ اولسون
Heydərbaba, sənin üzün ağ olsun
دؤرد بیریانین بولاق اولسون، باغ اولسون
Dord bir yanın bulaq olsun, bağ olsun
بیزدن سونرا سنین باشین ساغ اولسون
Bizdən sonra sənin başın sağ olsun
دونیا قضا - قدر، اؤلوم - ایتیمدى
Dünya qəzov-qədər, ölüm- itimdi
دونیا بویو اوغولسوزدو، یئتیمدى.
Dünya boyu oğulsuzdu, yetimdi.
حیدربابا، یولوم سندن کج اولدو
Heydərbaba, yolum səndən kəc oldu
عؤمروم کئچدى، گلممه دیم، گئج اولدو
Ömrüm keçdi, gələmmədim gec oldu
هئچ بیلمه دیم گؤزللرین نئج اولدو
Heç bilmədim gözəllərin nec oldu
بیلمزایدیم دؤنگه لر وار، دؤنوم وار
Bilməz idim döngələr var, dönüm var
ایتگین لیک وار، آیریلیق وار، اؤلوم وار.
Itginlik var, ayrılıq var, ölüm var.
حیدربابا، ایگید امَک ایتیرمز
Heydərbaba, igid əmək itirməz
عؤمور کئچر، افسوس بَرَه بیتیرمز
Ömür keçər, əfsus bərə bitirməz
نامرد اولان عؤمرو باشا یئتیرمز.
Namərd olan ömrü başa yetirməz.
بیزده واللاه، اونوتماریق سیزلرى
Biz də vallah, unutmarıq sizləri
گؤرممسک حلال ائدین بیزلرى.
Görəmməsək, halal edin bizləri.
حیدربابا، میراژدر سَسلننده
Heydərbaba, Mirəjdər səslənəndə
کَند ایچینه سسدن - کویدن دوشنده
Kənd içinə səsdən-küydən düşəndə
عاشیق رستم سازین دیللندیرنده
Aşiq Rüstəm sazın dilləndirəndə
نظرات شما عزیزان:
فرزاد 
ساعت16:59---8 دی 1393
ورد ترکی دارین . مرحبا .
